தனது நீண்ட நாள் காதலியான லக்ஷாவை திருமணம் செய்து கொண்டார் இசையமைப்பாளர் மற்றும் நடிகர் ஹிப்ஹாப் ஆதி
லக்ஷா உடன் ஹிப் ஹாப் தமிழா ஆதி | படம்: ட்விட்டர் பக்கத்திலிருந்து
'ஆம்பள', 'கதகளி', 'கத்தி சண்டை', 'தனி ஒருவன்' உள்ளிட்ட படங்களுக்கு இசையமைத்ததின் மூலமாக அறியப்பட்டவர் ஹிப் ஹாப் தமிழா ஆதி. படங்களுக்கு இசையமைப்பதற்கு முன்பு யு-டியூப் இணையத்தில் பாடல்களை தனித்தனி ஆல்பங்களாக வெளியிட்டு வரவேற்பைப் பெற்றவர்.
சுந்தர்.சி தயாரித்த 'மீசையமுறுக்கு' படத்தின் மூலமாக நாயகன் மற்றும் இயக்குநராகவும் அறிமுகமாகி ஹிப் ஹாப் ஆதி வெற்றி பெற்றார். நீண்ட நாட்களாகவே ஆதி மற்றும் லக்ஷா இருவரும் காதலித்து வந்தார்கள்.
சில நாட்களுக்கு முன்னதாக திருமணம் செய்து கொள்ள முடிவெடுத்து, நேற்று (நவம்பர் 30) காலை திருப்பதியில் செய்து கொண்டனர். இத்திருமணத்தில் நெருங்கிய உறவினர்கள் மற்றும் நண்பர்கள் மட்டுமே கலந்து கொண்டனர். திரையுலகினர் யாருக்குமே அழைப்பு விடுக்கப்படவில்லை.
தற்போது மீண்டும் ஒரு படத்தில் ஹாக்கி வீரராக நடிக்க ஒப்பந்தமாகியுள்ளார் ஆதி. மேலும், 'இமைக்கா நொடிகள்', 'கலகலப்பு 2' உள்ளிட்ட படங்களுக்கும் இசையமைப்பாளராக பணிபுரிந்து வருகிறார்.
No comments:
Post a Comment